VIÐ KYNNUM STÓRGLÆSILEGAR ÖRYGGIS- OG ÞJÓNUSTUÍBÚÐIR TIL SÖLU VIÐ SÓLTÚN 1–3. ÍBÚÐIRNAR ERU NÚ Í BYGGINGU EN ÁÆTLUÐ AFHENDING ÞEIRRA ER í apríl 2017. 

Íbúðirnar henta vel þeim sem vilja búa við búsetuöryggi á efri árum án þess að hafa áhyggjur af viðhaldi fasteignar og lóða. Kostirnir við að búa í öryggis- og þjónustuíbúðum Sóltúns eru tækifærin sem felast í tengingunni við Sóltún hjúkrunarheimili. Eigendur Sóltúns vinna að uppbyggingu á alhliða þjónustu til þeirra sem búa á eigin heimili og munu margvíslegir þjónustupakkar verða í boði.

Verðskrá

Hér að neðan má sjá verðbil íbúðanna. Verð á hverri íbúð má sjá með því að smella á Íbúðir hér að ofan. Verðskrá miðast við 30.9.2016. Íbúðirnar eru seldar í samstarfi við fasteignasöluna Miklaborg. Tengiliður hjá Mikluborg er Gunnar Helgi Einarsson, löggiltur fasteignasali, netfang: gunnarhelgi@miklaborg.is, sími: 615 6181. Sjá nánar um greiðslufyrirkomulag og önnur gjöld undir spurningar & svör.

HerbergiStærðir ca. m2Verð kr.
276.6 - 82.4 39.800.000 - 47.900.000
389.3 - 97.6 45.400.000 - 54.900.000
4111.3 - 139.9 58.300.000 - 85.500.000

Skoða íbúðir

Þjónusta

Fyrirhugað og á undirbúningsstigi er að bjóða íbúum upp á fjölbreytt úrval þjónustu, s.s. mat, þrif, öryggis- og umönnunarkerfi, klúbbastarf og hvers kyns heilsueflingu. Verðskrá verður birt síðar.

Auk þess er stefnt á að nýtt fyrirtæki sem nú er í undirbúningi bjóði upp á heimahjúkrun og heimaþjónustu fyrir þá sem þess þurfa.

Um fyrirtækið

Sóltún 1 ehf. er í eigu sömu aðila og reka hjúkrunarheimilið Sóltún við Sóltún 2. Á vegum þeirra er stefnt að því að opna nýtt hjúkrunarheimili við Sóltún 4. Á milli beggja hjúkrunarheimilanna er stefnt að því að reisa tengibyggingu sem verður þjónustumiðstöð fyrir eldri borgara sem búa í íbúðunum og hverfinu. Í þjónustumiðstöðinni verður veitingasalur, líkamsrækt, iðjuþjálfun, sjúkraþjálfun og aðstaða fyrir hvers kyns félagsstarf á vegum Sóltúnsklúbbsins.

Markmið félagsins er jafnframt að síðar komi undirgöng eða brú sem tengir öryggis- og þjónustuíbúðirnar við þjónustumiðstöðina.

Eins og ráða má af framangreindu er stefnt að gríðarlegri uppbyggingu á svæðinu þar sem öll áhersla verður lögð á nýjungar í þjónustu fyrir eldra fólk. Fyrsta skrefið í þessu er að opna öryggis- og þjónustuíbúðirnar. 

Í stjórn Sóltúns 1 ehf. sitja einstaklingar sem búa yfir mikilli reynslu af rekstri í heilbrigðisgeiranum:

Þórir Kjartansson, framkvæmdastjóri Íslenskrar fjárfestingar ehf.

Arnar Þórisson, stjórnarformaður Íslenskrar fjárfestingar ehf.

Anna Birna Jensdóttir, framkvæmdastjóri Öldungs hf. og hjúkrunarforstjóri hjúkrunarheimilisins Sóltúns.

Starfsmenn félagsins eru eftirfarandi:

Halla Thoroddsen

Framkvæmdastjóri
halla@soltunibudir.is
Sími: 563 1402

Björn Karlsson

Verkefnastjóri
bjorn@soltunibudir.is
Sími: 563 1442

Hafa samband